"Топ" өргөмжлөлийн эзэд

“Гоёл” наадам 2001 оноос “Топ” хэмээх тодотголтой, шагналын эзнийг тодруулдаг болсон. “Гоёл” наадмын “Топ модель”-иор анх 2001 онд загвар өмсөгч Э.Одгэрэл, Д.Болормаа нар зэрэг шалгарсан бол 2002 онд Д.Цолмон, 2003 онд Э.Туяацэцэг, 2004 онд Х.Ундраа, 2005 онд Т.Баянзул, 2006 онд Д.Пүрэвсүрэн, 2007 онд Г.Уранцэцэг, 2008 онд Г.Алимаа, 2009 онд О.Уянга, 2010 онд Ч.Уранбилэг, 2011 онд Э.Сэлэнгэ, 2012 онд О.Пүрэвдулам, 2013 онд С.Ариунбилэг, 2014 онд Х.Бадамгэрэл, 2015 онд Х.Уянга нар тус тус шалгарчээ.

“Топ”-д өргөмжлөгдсөн хэн бүр алдрын тавцанд хурдан хүрдэг жамтай. Одоогоос 10 жилийн өмнөх топ моделиуд олны дунд нэр хүндтэй байв. Гэвч 2013 оноос хойш уг алдрын титэм гундсаар "Гоёл-ын утга учир алдагдсан гэхэд хилсдэхгүй. Үүнийг үе, үеийн топууд ч хэлж байсан удаатай. 

Тэгвэл Монголын дизайнеруудын холбооноос 36 дахь жилдээ зохион байгуулсан "Гоёл" наадамд оролцсон топуудыг хүргэе.